Sa pagbubukas ng bagong taon, ipinamalas ng Tanggapan ng Pambayang Kalusugan na pinamumunuan ni Dra. Sharon Ona ang #NASALakas nilang pagkalinga sa mga kasapi ng Pinusuan Club.
Isinagawa ang pagbisita sa barangay ng Makina, Matipok, Coral ni Bacal at Puting Kahoy upang kumustahin ang kalagayan ng mga benepisyaryo at namahagi ng buwanang supply ng maintenance medicines. Kasabay nito ay ang binigyang diin \sa mga kasapi na nararapat nilang panatilihing malusog ang kanilang pangangatawan sa pamamagitan ng pagkain nang wasto at pag-eehersisyo. Katuwang din ng naturang tanggapan ang Municipal Assistance for Community Development Office sa kanilang pagbisita sa bara-barangay.
Bilang bahagi ng patuloy na pangangalaga sa mga Calaqueño, hatid rin sa mga residente mula sa Barangay Baclas at Bambang ang libreng Blood Chemistry Test. Ito ay mabisang uri ng pagtukoy ng kondisyon o karamdaman ng tao upang madaling malaman ang mga nangangailangan ng buwanang medication maintenance.
Sa panahong ito ng pandemya, mas mainam na panatilihing malusog at malakas ang pangangatawan; sa paraang ito COVID-19 ay makakaya nating labanan.
