Sa pagsisimula ng taong 2020, isang magandang balita ang inihayag ng Pamahalaang Lokal para sa mga negosyante sa Bayan ng Calaca.
Inilunsad ng Business Permit and Licensing Office ang One-Stop Shop noong Enero 2, 2020 sa pamumuno ni Gng. Evelyn Reyes at mga Tanggapan na may kaugnayan sa nasabing serbisyo. Ilan sa mga tanggapang ito ay ang Municipal Planning and Development Coordinator, Municipal Engineering Office, Municipal Health Office, Municipal Treasurer’s Office at Bureau of Fire Protection.
Ito ay ginanap sa unang palapag ng Municipal Building at naglalayong maghatid ng mas mabilis, maayos at agarang serbisyo nang hindi na kailangang magtungo sa iba’t ibang tanggapan ang lahat ng kumukuha at nagrerenew ng kanilang business permits.
Ang proyekto ay hanggang Enero 20 lamang ngunit dahil sa hindi inaasahang pag-alburoto ng Bulkang Taal, tumagal ang serbisyo hanggang Enero 31 nang walang kaukulang multa.
