Kaisa ang Bayan ng Calaca sa pamumuno ni Mayor Nas C. Ona sa paggunita ng National Cerebral Palsy Consciousness Month.
Bilang pagdiriwang ay nagsagawa ang Tanggapan ng Pambayang Kalusugan na pinangungunahan ni Dra. Sharon V. Ona ng programang nagbigay kasiyahan sa mga kabataan sa pamamagitan ng magic at puppet shows at ni Jollibee. Nagkaroon din ng iba’t ibang mga palaro sa mga bata na pinangunahan ni Mrs. Clara V. Pilapil, nakatalagang Municipal Nutrition Action Officer.
Layunin ng isinagawang pagdiriwang na maiparamdam ang tunay na pagkalinga at mabigyang kasiyahan ang mga batang may espesyal na pangangailangan.
