Sa pagbabalik eskwela ng mga mag aaral, namahagi ng Balik-Aral Power Pack ang mga kawani ng Pamahalaang Lokal ng Calaca. Muli, ay ipinaramdam ni Mayor Nas Ona ang kanyang pagpapahalaga sa kalusugan ng bawat pamilyang Calaqueño lalung-lalo na ng mga kabataan. Kasalukuyan mang nasa Alternative Learning Mode ang iba’t ibang paaralan, mainam na pag-ibayuhin ang pagbibigay proteksyon sa bawat mamamayan.
Ang Balik-Aral Power Pack na naglalaman ng face masks, face shields, Safeguard soap, alcohol at disinfectant bleach, ay malaking tulong para mapanatili ang kalinisan at mapangalagaan ang bawat isa sa loob man o labas ng tahanan. Kalakip din nito ang isang liham ni Mayor Nas Ona at NASA Lakas Flyers na nagbigay ng wastong impormasyon sa pag iwas sa COVID19.
Naniniwala ang Punumbayan na ang tamang impormasyon, pangangalaga at disiplina ang ating tanging sandata para sa kaligtasan ng buong pamilya.
