Sa unang Lunes ng taong 2021 ay muling inilunsad ng Tanggapan ng Pahintulutan at Paglilisensya ng Negosyo ang Business One Stop Shop (BOSS) katuwang ang iba’t ibang ahensya at tanggapan ng Pamahalaang Lokal. Isinagawa ang programang ito noong nakaraang taon at dulot ng ginhawa na naibigay sa mga kumuha ng bago at nagpanibago ng kanilang business permit, ay ipinagpatuloy ang NASA Bilis na serbisyo ng mga kawani para sa mga Calaqueño ngayong taon.
Bunsod pa rin ng pandemyang nararanasan ay nagkaroon ng takdang araw ang bawat barangay ng pagtungo sa Munisipyo upang higit sa lahat ay mapanatiling ligtas ang bawat isa kontra COVID-19. Mahigpit ding ipinatupad ang minimum health protocols para sa lahat ng pumapasok sa Bahay Pamahalaan. Ang serbisyong BOSS ay tumagal hanggang sa ika-29 ng Enero, 2021.
